B |
oasa so boi denggan hubungan tu dongan : ala pangalaho, ala so marsihaporseaan, benci, lupa holong, anggap enteng dll. Molo di Batak di ikat ma dohot adat. Holong sejati, ima holong ni Tuhan. Pengorbanan doi, ndang porlu mangharap balas. Alai so piga na olo mangalean pengorbanan, jala tarbatas do holongna.
Holong ni jolma tarbatas, ala i nama kesanggupanna
Godang do hinsa manjalo, alai maol mangalean
Nang pe sude do adong i, na sian Tuhan do.
Gariada adong naeng mangahut dohot manindas.
boha do holong marpamili, lo do marsibantuan?
Taalusi ma dohot sintong
Holong adat :
Holong adat, ima holong mangalap holong
Adat ni jolma doi. Molo mangalean, ingkon do manjolo
Molo mangarahut, ingkon do mananggali
Parik ni janji mauli Hatubuan ni si marhalosi
Molo jinalo na uli Ingkon botoon mamolosi
Jadi adat ima budaya pargaulan/persekutuan ruhut. Asa unang holan manjalo. Lapatanna ingkon marbalos. Halak na so mangalean balas, didok ma so maradat, ima adat ni hajolmaon.
Hape jumolo do disediahon Debata : bumi, mata ni ari, bulan, udara, dohot sude na porlu di ngolu. Holan na mangolah nama manusia. Aha do balosna sian jolma?. Ungut-ungut, hagunturon, hajahaton do balosna?
Umumna gumodang do na mangulahon holong adat. Alai molo so boi dibalas/dipenuhi, gabe adong ma panaritaon, laos olo gabe parsalisihan.
Hajolmaon olo do pilih kasih mangalean holong adat. Holong sejati sude do di haholongi. Basa ni Tuhanta do holongi I, jala sude do marhak nampunasa. Holong ndang hea sala jot-jot ndang boi mungkpa ala ditipa hisap. Baliksa dipartopenghon nang pasaut sangkapna. Na denggan naeng ma, marsada Holong, adat dohot tigor di bagasan ngolu. Duri do hatigoran di angka parjahat. Alai hangoluan, haluaon do I din a mangulahon. Holong ni jolma, marpambuat. Dihaholongi, mangharap balas. Gari adat ingkon marbalas. Tarjadi doi ala manusia tetap mangutamahon dirina. Rakus/egois papudihon holong. Holong ni sejati so olo mambedahon. Tigor mangamati holong, godang tarjadi ala ni budi/materi manang laho mangharap balas. Adat ingkon marbalas do. Manusia parjolo Disonggopi godaan naeng mangkilala hinatabo hape paro hamagoan.
Masa ma parungkilon
Tarjadi hasusaan
Sulit ma parngoluan
So adong be hasonganan
Borat ni sitaonon
Mambahen ganggu iman
Disomba haportibion
Lam dao ma sian Tuhan
Jelas do : virus egois, hajahaton, holso dohot haotoon rarat do di portibion. Ido umbahen borat tantangan i. Marsibahen malona marsipatudu gogona asal saut sangkapna ndang parduli akibatna.
Alai si Raja Batak
Maju do pingkiranna
Dipatupa do uhum dohot adat Batak
Ihuthonon ni pinomparna
Adong ruhut poda
Adong ruhut pamisangon
Dibahen do umpasa
Pangidoan tu Mulajadi Nabolon
Molo songoni ise do parholong?
Ima : Na mambahen na adong di ibana
Gabe holong tu Debata dohot holong tu jolma
Saonari do adong beda I, hape ujungna ; Angka marga, punguan, suku, adat, agama, bangsa, Negara, marsipasadaan marga dohot budaya do muse, ima :
1 Marga na badia, budaya sonang
2. Marga marsingkor, budaya patungoripon
Marga na badia, budaya sonang ma na masuk tu surgo. Marga marsingkor, budaya patungoripon ma tu neraka. Panontuani, ala manurut hata ni Tuhanta na tarsurat di buku na badia mandok dua do inganan, ima Surgo dohot Neraka. Di pilit ma dia lomo ni rohana manurut pangalahona. SAbotulna unang ma marsiagoan.
Alai nang pe songoni
Godang do mangalaosi
So adong dihabiari
Haboion do dipingkiri
Aturan nian,
Tinompuk ma andora
Sinolsolan ma dosa
Porlu hamubaon ni roha
Anggiat asi roha ni Jahowa
Ndang boi ramalhonon
Olat ni dia parrohaonna
Sude do parlangitan
Naeng kuasanna
Holsoan ndang maradian
Orong-orong torus marsambung
Parungkilon ndang marpanangian
Ragam tantangan ndang na tanggung
Beda ni parngoluon
Mambahen pangiburuon
Dipatuduhon hamajuon
Dipataridahon hamoraon
Anggo pangidoan
Unang putus harapan
Pasahat ma tu Tuhan
Na ringkot dihangoluan
Denggan ni ngolu hinalomohon, alai dapot do sitaonon ai so boi tarjuarhon, bagian si jaloon. Di lilit biar ma ngolu I, mangadopi parungkilon. HORAS.
Sumber : Jaulahan Situmorang
Tidak ada komentar:
Posting Komentar